Tu sei qui
Home > Cronaca e Attualità > Canicattì > Regionali, “Li sei candidati di l’uva Italia”: la satira di Totò Treppiedi

Regionali, “Li sei candidati di l’uva Italia”: la satira di Totò Treppiedi

Riceviamo e pubblichiamo una poesia satirica del canicattinese Totò Treppiedi.

 

Li  sei  candidati  di  l’uva  Italia

 

St’annu  pi  li  Regionali  Caniattì  avi  sei  candidati,

di  tutti  li  culura  comu  l’arcubalenu,  vuennu  fari  li  deputati.

Comu  banneri  di  cannavazzu, certuni  fannu  cca  banna  e  ddra  banna

cu  gargiati,  ammuttuna  e  guvitati,  tutti  vuennu  arrivari  a  la  manna.

 

C’è  cu  avi  lu  ” ventenniu ”  ni  lu  cori  e  ni  lu  sintimientu

5  anni  fa  cu  Musumeci  mentri  ora  cangià   e  ci  va  contru.

L’uscenti  ca  trasì  sulu  pi  casu,  avi  un  partitu  ca  a  Roma  guverna

ma  in  Sicilia  è  all’opposizioni  e  da  Palermu  ci  fa  li  corna.

 

L’ex  Sinnacu,  ca  avia  n’annu  ca  facìa  campagna  elettorali,

ci  tuccà  cangiari  registru,  ora  è  ddra  banna,  autonomista  e  popolari.

A  lu  so  puestu  na  beddra  picciotta  ci  misi  lu  so  ex  partitu

di   cu  voli  un  futuru  pi  la  Sicilia,  ntantu  studìa  pi  purpuratu.

 

Lu  centru – sinistra,  truvatusi  scummigliatu  e  di  n’alfanianu  rapprisintatu,

fici allura  na  granni  pinsata  e  ci  misi  anch’iddru  lu  sò   candidatu.

Lu  primu  in  ordini  alfabeticu,  ca  di  carusu  comunista  avìa  statu

pi  coerenza  futtì  a  tutti,  picchì  bannera  nun  ha  mai  cangiatu.

 

p.s.

L’ex  Sinnacu  e  l’uscenti  a  li  comunali  2011,   l’unu  contru  l’antru  armati,

ora  si  trovanu  ni  lu  stessu  carrettu  e  cu  Musumeci  caminanu  abbrazzati.

  Totò  Treppiedi  

Pubblicità Lirenas Gas

Ultime news

Su